اهداء هذه القصيدة الى ابي

اهداء هذه القصيدة الى ابي
ما قدروا عبرات عيني صبايب == تعاونوا في شق قبرن يواريه
في ليلة ظلمى هواها هبايب == قالوا تعجل بالدفن لاتوانيه
وهالوا على لحده رمال وترايب == واخفوه عن عين تحبه وترجيه
وقت الوداع ادركت انه سبايب == وانك لقربه يالمنيه هويتيه
تركت أنا قبره بديرة غرايب == بقبور ناسن لاجاها ولاتجيه
ربي تسخر فوق قبره سحايب == وديما ترشرش فوق قبره وترويه
رجعت أنا للدار آيب وتايب == كلي أمل بالدار حزني تنسيه
الدار صارت من بعد موته خرايب == كل الزوايا تذكره ،، ثم تبكيه
يادار لاتبكين يكفي نحايب== أول كبير الهم واليوم زدتيه
ترى البكا يادار ماهوب جايب== ذاك الحبيب ولاهو من الموت محييه
ماهو خليلي لكن أهواه شايب == ولو هي مسابق بالغلا ماحدن يباريه
أغليه واغلاه كل القرايب == يدعون له بالخير لا حل طاريه