غصب عليـــك !!

السلام عليكم ورحمة الله وبركاته

نقاشي اليوم معكم عن كلمة تتردد على مسامعنا الا وهي (غصب عليك )

في البيت :
الاخت الكبرى :فهد روح اشتر لي من البقالة سنكرس وووو
فهد : مابغى أروح .. ابغى العب مع جارنا
الاخت الكبرى: مو على كيفيك ..بتروح غصب عليك

في المدرسة :
المعلمة :طالبات بكرة عندكم اختبار
الطالبات :ياستاذة عندنا اختبارين بكرة مايكفيني الوقت نذاكر
المعلمة :مالي دخل .. بتختبرون غصب عليكم

في السوق :
ام حمد:
شوفي ياسارة خذي هذا الفستان .. علشان تلبسية في بيت عمك .. يمكن تشوفك زوجة عمك وتخطبك لولدها
سارة :
ياماما كم مرة قلت لك اني مابغى ولد عمي
ام حمد:
مو على كيفيك بتاخذينة غصب عليك ...

تربينا على غصب عليك ... وتعودنا على الغصب والاجبار حتى وصلنا


ماأريد ان اناقشكم فيه :
1- مارأيك بكلمة غصب عليك ؟؟ وهل تستخدمها في حياتك ؟؟
2-هل ترى بان المجتمع اعطائك الحرية الكافية للتعبير عن ارائك ؟؟
3-اذا قال لك شخص غصب عليك فهل تنفذ مايقول ؟؟ام ترفض ولماذا؟؟
4-برأيك هل توثر كلمة (غصب عليك) على الطفل ؟؟
5- ماهو سبب انتشار هذه الكلمة ؟؟وماهو الحل للقضاء عليها ؟؟

لكم الحرية في الرد والتعبير عما يجول في خواطركم

تحياااااااااااااااااااااااتي لكم